Mariu e ggh’Iancilina secondo Martoglio

 Na matina, 'ntra sonnu e vigghia,

mentri era curcatu, a MariuMonti,

ci sciusciàru 'na parola all'oricchia:

 – Abbada, MariuMonti, ca Iancilina

ti voli fari u spreddi!...

Si susi, 'nfuriatu comu 'n'ursu,

si strica l'occhi 'anticchia,

si stira tuttu paru,

curri ddà banna, afferra il campanellu 

(Mariu, omu fermu!)

e chianta 'na sunata.

– Pronti, prisirenti, all'ordini|...

– Curri a chiamari subitu

il mio ministro più guagliardo, olà! –

Doppu cincu minuti s'apprisenta il ministro 

– Mio affabeli menistro, 'sta matina

m'hano sciosciato dentro l'oricchia 

una palora, il quale,

che Ianclna forsi è 'ntinzionata

di fàrini lu spreddi, indi ho pinsato...

– Cosa ha pinsato, prisirenti?...

– Aggàttati!... Olà!

– Pronti, cumanna!...

– Cammareri, una simpreci belìci,

ccu tri mutanni, e aspèttami ddà banna!

– Ma, chi cosa faciti,

prisirenti?... – dici allura u ministru –

– Aggàttati, ti ho ditto, ora viditi, –

Allura chianta un corpu di tilefrico:

«Al cumannante del papure Umbertu,

mittiti a focu tutti centu machini!»

 MariuMonti si parti col suo simprici

cammareri, la simprici belìci

e il simprici menistru più guagliardo.

Arrìva supira il papuri, dici:

– Cumannanti, ci semu?

– Pronti, prufissù, ppi unn'ámu a addizzari?

-      Diritto per Birlinu!... –

Cumpari, non è cosa di sghirzari!...

Di Roma 'nsina ddani,

v'aviti a fiurari

ca c'è tantu caminu...

Chi v'haju a diri, va, di ccà a Rannazzu,

in parauni, è nenti!...

Ma il papure, confenti

isàu tutti l'àncuri,

e senza fari tantu pruulazzu,

arrivau a distinu

comu fussi 'na badda di bigliardu!...

Trasennu dintra il porto di Birlinu

jetta 'n friscu schigghienti

ca sturdìu un paisi,

e po' doppu si misi

ammenzu di lu portu e jttò l'àncuri,

quattru di prua, a pinneddu,

e quattru a puppa, beni urmiggiatu

e arriparatu di tutti du' banni.

– Pronti, una lancia a mari!

– Prufissù, chi faciti?

– Vi dissi a tutti ca v'âti a aggattari!... –

Non ci fu 'na parola e mancu 'n ciatu,

s'avissi 'ntisu abbulari 'n'aceddu.

 MariuMonti scinni e si metti assittatu,

col simprici menistro,

la simprici belìci e il cammareri.

– Andiamo pronti in terra, timuneri!

Quannu scinnému supra la banchina,

isa bannera all'arvulu maistru

e gghetta fumu di li 'ncimineri!... –

Li todischi, scinnennu a la marina

e vidennu MariuMonti agghiri ddà,

'dda sorti di papuri,

'dda simprici belici, sbricia, sbricia,

si guardaru 'ntra l'occhi, dici: – Micia!

Chista daveru è parti di valuri,

varda chi sorti d'audacità!... –

Arrivannu al palazzu d’a Merkel:

– Tuppi, tuppi. – Cu' è? –

Quannu Iancilina

va pri gràpiri la porta

e vidi al nostro Mario,

arristau accussì, comu un minnali!

– MariuMonti, tu cca?!... Cu' ti ci porta?!...

Chi forsi hai avutu un picculu sinturi,

forsi t'hano sciosciato una parola,

all'oricchia? Arrispunni!...

– E chi fu, ti cunfunni?

M'hano sciosciato una parola, il quali

ca dici c'hai 'ntinzioni

di farimi u spreddi tantu. Ti sdinnei? –

– No, è veru, e tu chi forsi veni

p'arrinniriti? –

– Mia cara Iancilina,

Mi pari un pocu antica;

chi forsi, cara amica,

tu mi canusci c'haju suggizioni? –

– E allura pirchì veni

nelli cuntrati mei? –

– Vegnu pirchì comòra

non vogghiu fari sconzu, m'ha' capitu?

Pri fàriti cumprènniri,

mentri t'ammustri d'accussì attrivita

ca è megghiu ca t'aggatti cu vintottu

vasinnò ti nn'acchiani;

e sugnu bonu a fariti di bottu

n'autri terzi Vespri siggiliani!...

– Ma... – Senza ma, va, chi ti senti forti?

– Furtissima!

– E allura, senza fari tanti storii,

adduma ssa televisioni.

Stavunu iucannu a Kiev l’Ilalia cca Germania di palluni

MariuMonti fa 'nsinga: – Ministru, ricci a Prandelli

ca ci fa sparari du cannunati a Balotelli

Doppu cincu minuti, patti du gran pileri,

ghianta na gran tistata e fici u primu gol

Doppu n’anticchia sferra na pirata

e fici n’autru gollu.

Iancilina, ca nunn’è propria fissa,

currìu nni MariuMonti, l'affirrau:

– Basta! – ci dissi – basta, prifissuri,

t'ha' canusciutu!  Abbastunu, pri pruvalla,

la forza to', sulu ssi ddu golla| –

E ‘nta ddu uri si fici l’antispreddi.